2015年4月28日 星期二

價錢親民抵用的紙尿片 - Sealer噓噓樂透氣輕柔紙尿片

自從有左BB之後, 我一直都找尋"平靚正"BB用品, 一來可以節省開支, 二來貫徹我的"C9"精神! 加上身邊有一班由未出世識到依家的媽媽會朋友, 大家一齊互通消息, 衣食住行都鍾意SHARING, 我呢1年真係慳唔少架!

BB由出世每日換超過10片紙尿片, 我家囝囝10個月了, 已經要改用大碼尿片, 每日都平均使用6, 如果使用大品牌的行貨, 極大部份都超過$3/! 紙尿片的尺寸愈大愈貴, 但囝囝的使用數量不變的, 開支愈來愈大!

近日接觸到一個台灣紙尿片品牌 - 噓噓樂透氣輕柔紙尿片, 價錢大眾化, 而且質數唔錯添, 介紹俾大家試下!


要試尿片, 我會先做個地獄測試:
1. 一杯滿的清水快速倒入尿片 - 吸收速度好快喎!
2. 完全吸收後, 檢查表面的清爽度 - 就算我大力把尿片擠成球形, 外表都清爽, 即係無漏尿!
3. 尿片上的尿濕顯示真係有少少水都已經消失!
4. 用一張紙巾壓於尿片內部, 我都幾大力下架, 紙巾只係有幾點細水印, 即係BB著住坐底訓底, PATPAT都可以保持清爽!



再睇下噓噓樂嘅CUTTING, 腰間魔術貼有公仔, 痴力好好唔易甩, 脾位有橡根, 腰背亦有橡根(我最怕用腰背無橡根的牌子), 肥底瘦底嘅BB都岩身喎, 我囝囝開始轉用大碼, 大脾位好岩位, FIT!


囝囝轉用左噓噓樂超過1星期, 每次打開片片都見到皮膚係乾爽的, 證明吸水鎖水能力好好, 大脾的橡根位亦無紅印, 亦未有漏尿的情況出現, 而且片片的質地軟熟, 囝囝依家周身郁無時停的時間都無皮膚問題, 呵護PAT PAT皮膚!!

BB皮膚清爽舒服, 食訓玩都會特別好心情!

噓噓樂係台灣製造, 我都用得放心, 而且亦有6個不同尺碼. 價錢方面, 囝囝用大碼都只係$1.7左右, 慳慳埋埋都唔少架!


大家可以於以下網址換領試用裝: http://sealer.com.hk/facebook/s/sealer_form.php


銷售點: 指定藥房有售及家居送貨服務
噓噓樂客戶服務熱線: 2316 2613



免責聲明:
產品由 噓噓樂透氣輕柔紙尿片 提供, 本文章所發表的全部內容均屬個人意見,並不代表該品牌之言論及立場。如需協助或希望獲得更多有關產品資訊, 請直接聯絡該品牌查詢或∕和尋求相關專業意見。如從而引起任何損失或法律糾紛,本人概不負責。



Carrie’s Facebook Fans Page: https://www.facebook.com/carrieweblog

頭髮也有CC CREAM - 沙宣 VS Sassoon CC Cream 順柔提升基底精華乳

面部的CC CREAM已經出左幾年, 除左皮膚上使用的CC CREAM, 仲有沙宣 VS Sassoon頭髮用的CC CREAM, 佢唔係改善頭髮顏色, 而係改善髮質, 係造型方面更加得心應手, 亦可以減少毛燥, 令頭髮更加光滑等等.


PUMP裝的CC CREAM, 有輕微香味, 顏色是半透明的, 有點杰身, 但於手上一推開, 是極為幼滑的粉末感, 皮膚是十分清爽的, 全無油膩感, 而且會消失的, 好像無搽一樣, 只留有香味.

我於濕髮時搽在頭髮上, 再把頭髮吹乾, 是可以即時見到頭髮十分聽話, 十分輕易把頭髮吹直, 而且完全沒有毛燥的煩惱!


整日我都有留意自己的髮型, KEEP得到無改變, 而且仍十分輕盈貼服, 仲整日KEEP""毛燥!

我第一時間諗起化妝師一定要每人有一支旁身, JOB SET頭有佢幫手, SPRAY都用少好多!

而且VS Sassoon CC Cream細細支, 我出TRIP去旅行都住佢都好方便, 特別係酒店風筒通常都好弱, 有左CC CREAM就唔會吹極都係癲雞頭啦!

價錢好似係$50左右, 抵玩~



免責聲明:
產品由 P&G公司 提供, 本文章所發表的全部內容均屬個人意見,並不代表該品牌之言論及立場。如需協助或希望獲得更多有關產品資訊, 請直接聯絡該品牌查詢或∕和尋求相關專業意見。如從而引起任何損失或法律糾紛,本人概不負責。


Carrie’s Facebook Fans Page: https://www.facebook.com/carrieweblog

2015年4月15日 星期三

無矽護髮, 芳香撲鼻 - Clairol Herbal Essences 白茶薄荷光澤柔亮系列

近來興起無矽的護髮產品, 可能係因為曾有報告指出有少女因使用含矽和磷的洗髮水, 令到眼皮狂跳。而且長期駛用含矽油的護髮產品, 長期使用更會導致脫髮, 因為矽油不溶於水, 還會堵住毛囊!

近日我試用左一隻無矽及使用高級白茶製造的護髮產品 - Clairol Herbal Essences 白茶薄荷光澤柔亮系列.


Clairol Herbal Essences 白茶薄荷光澤柔亮系列無防腐劑, 不含染色劑及矽靈, 除左保護毛囊外, 佢嘅香味最吸引我, PUMP出黎已經聞到陣陣香味, 令整個洗手間都變得香噴噴, 味道清香.

洗頭水係透明的, 起泡力十分好, 我的短髮只需要1 PUMP份量就足夠了, 清洗時感覺清爽的, 過水時亦感到順滑.


護髮素是白色的膏狀, 質地十分厚, 搽上頭髮上有點似豬油膏, 像做HAIR MASK一樣, 搽勻後不需要等待便可以過水, 可以即時感到頭髮好似做了個深增護理, 要花點時間才覺得洗乾淨的, 頭髮帶點油膩感.


不過, 在抹乾頭髮及吹乾後, 頭髮是出奇的清爽及輕盈, 而且每根髮絲都帶出自然的光澤, 還留有絲絲的香味, 香味還圍繞了大半天! 而且頭髮整天都不油膩, KEEP到整天都清爽不打結, 十分適合夏日使用呀!



Clairol Herbal Essences 白茶薄荷光澤柔亮系列於422日起於各大超市及個人護理連鎖店。

免責聲明:
產品由 P&G公司 提供, 本文章所發表的全部內容均屬個人意見,並不代表該品牌之言論及立場。如需協助或希望獲得更多有關產品資訊, 請直接聯絡該品牌查詢或∕和尋求相關專業意見。如從而引起任何損失或法律糾紛,本人概不負責。


Carrie’s Facebook Fans Page: https://www.facebook.com/carrieweblog

2015年4月10日 星期五

BB濕疹小幫手 - 愛爾蘭的Dermalex多美力嬰幼兒濕疹修護霜

囝囝出世近10個月啦, 皮膚都唔係算好差, 但耐唔耐都有濕疹的煩惱, 佢嘅濕疹位置係左邊面及2隻大脾, 濕疹係一個一個圈的, 好易認, 而且還好似結焦甘變得粗糙.

我試過好幾隻濕疹產品, 或者係保濕CREAM, 效果都係時好時壞, 近日試了一個由愛爾蘭製造的非類固醇濕疹修護霜, 囝囝皮膚有大大改善, 濕疹仲消失埋添!

Dermalex不含類固醇, 香料及Parabens, 而且PH值係5.5, 由皮膚科醫生研製及經過歐洲臨床醫學實証, 亦獲歐盟CE0197核准(品質認證), 亦可以無限制地多次使用, 安全可靠. 



牙膏裝的Dermalex有錫紙封口, 確保衛生, 質地十分杰身, 但搽上皮膚上不油不膩, 著番衫仔都唔會痴笠笠的, 唔錯!


仔仔用左1星期左右已見到濕疹的圈已消失左, 皮膚由粗糙變得滑溜溜的, 過了2星期都再沒有番發添. (上圖係使用前, 下圖係使用後)



Dermalex嬰幼兒濕疹修護霜適用於8個月以上的BB, 皮膚乾燥, 甩皮或濕疹都可以使用, 無藥性的成份可以當BODY LOTION使用亦可.



多美力(Dermalex) 的濕疹產品可在各大屈臣氏藥劑處發售, 以及診所醫生所處方的.

Dermalex® Repair Eczema for Babies & Children 100g 多美力® 嬰幼兒濕疹修護霜
HK$268 (Watsons)

多美力(Dermalex)國際官方網頁: http://www.dermalex.com/

免責聲明:
產品由VDO MAX COMPANY提供, 本文章所發表的全部內容均屬個人意見,並不代表該品牌之言論及立場。如需協助或希望獲得更多有關產品資訊, 請直接聯絡該品牌查詢或∕和尋求相關專業意見。如從而引起任何損失或法律糾紛,本人概不負責。



Carrie’s Facebook Fans Page: https://www.facebook.com/carrieweblog

2015年4月9日 星期四

從今天起擁有健康牙齒 - Oral-B 3D旋轉震動系列 Platinum White P7000 電動牙刷

自從生完BB之後, 最關注的嘅唔只係囝囝, 仲有我及家人的健康, 當家中有一個人病左, 全家人一齊攬炒, 感覺真係極唔好受! 所以每個人的健康我都好關心!

健康問題包括了牙齒, 牙痛爛牙一樣煩惱, 連食野都有困難, 亦帶出口臭問題, 個人自信都無埋, 我自己試過牙根外露, 食冷熱食物都會感到刺痛.

近日我就一改刷牙習慣, 由普通牙刷改為使用電動牙刷, 才發現我甘大個女都用錯左牙刷!!

令我對牙刷有另一個睇法的就係 - Oral-B 3D旋轉震動系列 Platinum White P7000 電動牙刷. 德國製造, 全球首款具備藍牙功能的牙刷系列, 更配備4款不同刷頭, 6個潔淨模式, 16 度交叉刷毛」刷頭設計, 48000次轉動的超高速潔齒技術.


打開盒, 除了一支流線型設計的電動牙刷, 還有一大埋附件, 包括了:

4支刷頭 (2支「16 度交叉刷毛」刷頭, 1支潔白刷頭 1支超軟毛刷頭), 研究發現「16 度交叉刷毛」刷頭設計能去除最高達 4 倍牙齦線上的牙菌膜. 潔白刷頭可有效清潔牙齒表面黃班同黑垢, 超軟毛刷頭則可呵護有敏感牙齒的朋友

一個充電線連底座, 還有一個白色小袋子可以裝好

一個時鐘, 及一個牙刷儲存盒

還有一個外帶盒, 可以放好電動牙刷及其中2支刷頭, TRIP或去旅行都可以帶住佢!


佢係全球首款具備藍牙功能的牙刷, 梗係第一時間DOWNLOAD留個APP玩下, P7000 電動牙刷有BLUE TOOTH功能, 只要用BLUE TOOTH就可以接駁手機同APP, APP可以幫你記錄最後20次的刷牙記錄, 有助你睇番自己有無日晚刷牙, 如果你要睇牙醫仲可以SHOW俾佢知你的刷牙習慣添!


不過我最鍾意就係個時鐘, 佢唔只上係一個鐘, 仲係識自動計時的鐘! 只要P7000 電動牙刷一開動, 佢就會自己幫你數時間, 30秒為一個SECTION, 分別為左右上顎及左右下顎, 30秒牙刷就會震動幾下, 提醒你要轉刷另一邊. 完成2分鐘刷牙, 公仔仲會對你SMILE, 2分鐘唔會悶, 又有滿足感!

時鐘同APP係會同步進行的, 完成2分鐘的刷牙, APP會問你用埋舌苔清潔模式添, 舌苔清潔模式可以消除口臭架!

APP可以記錄最後20次的刷牙記錄, 仲會分好每日/每星期及每月的刷牙記錄添!


我刷牙時仲配合了全新的Oral-B 3D White牙膏, 佢有特濃MICA粒子及鎖白技術, 更易美白牙齒. 牙膏係粉紫色/白色扭扭紋, 帶幼細的閃粉的, 前味係薄荷味, 之後用起係甜甜的糖果味, 可以起泡的 (我最怕沒泡的牙膏), 一粒眉豆份量都足夠了.

整支電動牙刷都可以清洗的, 全防水, 好放心! 而且電動牙刷用無線充電, 大約1星期充電一次就足夠.

P7000 電動牙刷有6個潔淨模式, 包括標準日常清潔模式, 深層清潔模式, 美白牙齒模式, 敏感牙齒模式, 牙齦按摩模式 舌頭潔淨模式, 我自己就用日常清潔模式 + 舌頭潔淨模式.

我自己最鍾意P7000 電動牙刷係佢真係可以刷到口腔最深入的部位, 特別係智慧齒及附近的牙肉, 用普通牙刷真係去唔到最入, 而用電動牙刷真係可以好入, 仲清潔得乾淨, 我以前耐唔耐就
有牙肉脹痛的問題, 事關係有食物留左係最入面的牙縫清潔唔到, 依家我再無呢個煩惱了!


所以我推薦俾大家, 所有年齡的岩用, 特別係高齡的父母, 牙齒特別容易出問題, 我媽媽也有牙周病的煩惱, 送一支電動牙刷俾佢做MOTHER'S DAY GIFT就最好不過了!


ORAL-B P7000 PLATINUM BLACK 同時配備黑、白兩種顏色以供選購, 黑色可以送俾爸爸呵!



銷售點:各大電器零售商及百貨公司均有代售


相關應用程式免費下載點:
iOS 版本:http://goo.gl/jlx6ZK
Android 版本:http://goo.gl/PocdAV


免責聲明:
產品由 P&G公司 提供, 本文章所發表的全部內容均屬個人意見,並不代表該品牌之言論及立場。如需協助或希望獲得更多有關產品資訊, 請直接聯絡該品牌查詢或∕和尋求相關專業意見。如從而引起任何損失或法律糾紛,本人概不負責。

Carrie’s Facebook Fans Page: https://www.facebook.com/carrieweblog